اقوال متكرره بين النساء
4 مشترك
صفحة 1 من اصل 1
اقوال متكرره بين النساء
اذا انكسرت كاسة بيقولوا: انكسر الشر (تقولوا الشر مخلوق من الزجاج) اذا مر حدا فوق الطفل ما بقا يطول * قص الاظافر بالليل مو منيح (لا تسألو ليش ما بعرف ولا حدا بيعرف بس مو منيح و خلص ) * رش المي فراق * للي بيفوت على بيت جديد بيفوت معه عرق اخضر و مقص و مصحف و يدخل بالرجل اليمين (واللي بيعمل غير هيك يا ويلو ) * اذا اجت الكندرة فوق الكندرة يعني رايحين مشوار (واذا اجت تحتها يعني راجعين من المشوار ؟؟!!) * اذا زحف الولد او زقزقت العصافير معناها جاينا ضيوف *اذا طنت ادنك اليمين حدا عم يحكي عنا بالمنيح و اذا طنت اليسار معناها حدا عم يجيب سيرتنا بالعاطل (واذا طنوا مع بعض معناتها طرشت عليك العوض ) * اذا كان في خناقة بيقولوا اقلبوا الصرامي لتحمى الخناقة * اذا رفت عيني اليمين بيكون جاينا خبر طريف واذا رفت عيني الشمال بيكون جاينا خبر مو منيح (اما اذا رفوا سوى فأنت اكيد احول ) اذا حكني حاجبي معناها بدنا نستقبل حدا جاي من السفر إذا حكني كفي اليمين معناها بدي أقبض مصاري و إذا حكني كفي اليسار معناها بدي أدفع مصاري (اما اذا حكك شي تاني بقى فأنت اكيد جربان روح تحمم ) و ما بصير الحمام بالليل (طبعا شي بديهي لأن اكيد المي بتكون مقطوعة ) و ما بينفع كب المي بالبلوعة بالليل من غير التسمية بالله والاستعاذة أولا (يالطيف مشان ما يأذونا ولا نأذيهن) بس عرفتوا مين هدول؟؟؟؟؟؟؟؟؟؟؟؟؟؟........... ولا انا !!!! واذا شفت مقص مفتوح لازم فورا تسكرو ( لانو المقص الفاتح تمو بيعمل خناق ) وإذا عمل العصفور تحتو على الأواعي يعني جاييكون رزقة (وما لازم تغسل ملابسك شي سنة وانت عم تستنى الرزق) و دلق القهوة رزقة كمان .......... جخو و شرب المي بعد القهوة قلة زوء (حتى لو اتشردقت موت ولا تشرب مي ) و اذا الولد الصغير كتير ابن الشهور عم يضحك لحالو بيقولو الملايكة بتكون عم تحاكيه يعني يمكن خبرتو شي نكتة كمان يلي حامل بصبي بتتباشع واذا حامل ببنت بتحلا .......... واللي بتضل على حالا هي وحامل رح تجيب سعدان يعني !!!! وإذا الطفل قعد بالصينية وهي عالأرض بيرتعبوا لأنه هاد الولد رح يضيع (ويمكن يتشرد هاد اذا ما طلع حرامي كمان ) و كمان إذا حدا صبلك شاي او قهوة وملى الفنجان كتير بكون قلبوه مليان منك واذا صبها ناقصة هدا دليل على انو هالشخص ناقص ......... بقا لاقيلا حل اذا بتلاقيلا واذا عندك ضيف اتقيل دم وبدك يروح من عندك على السريع شك دبووس او عدة دبابيس بأيد المقشة او اقرأ سورة الزلزلة (بس اكيد في عالم اذا بتقرأ القرأن كله بيضلوا لزقة فلا تحاول) واذا خايف من عين اتصيبك جيب ورقة واكتب عليها اسم الشخص الي خايف من عينو وغزها بالدبوس وانت عم تقراء المعوذات وتقول من عين افلان و تنفخ... وفي حل تاني انك تروح تشيل عيونه وبلا وجعة هالراس والي بيعدّ النجوم بيطلعلو تالولات بايدو (بس اذا حسن يعدهم ما بيطلع شي ) وبعد ما نخلص صلاة نطوي السجادة مشان الشيطان ما يصلي عليها (على أساس هو بيصلي يعني!!!) | |
|
رد: اقوال متكرره بين النساء
* قص الاظافر بالليل مو منيح
(لا تسألو ليش ما بعرف ولا حدا بيعرف بس مو منيح و خلص )اللال
وقال يلي يقص اظافره عند حدا من الاصدقاء او الاقرباء بيتخانق معو (هيك بقولوا انا مالي علاقة)
تشكر على النقل الحلو يا عبد الباسط
(لا تسألو ليش ما بعرف ولا حدا بيعرف بس مو منيح و خلص )اللال
وقال يلي يقص اظافره عند حدا من الاصدقاء او الاقرباء بيتخانق معو (هيك بقولوا انا مالي علاقة)
تشكر على النقل الحلو يا عبد الباسط
فراس نحلاوي- عضو جديد
-
العمر : 44
البلد : الشارقة
عدد المشاركات : 45
تاريخ التسجيل : 25/03/2010
رد: اقوال متكرره بين النساء
هههههههههه
ايه ومعناها انا مالي علاقه كمان
ههههههههههههههه
مشكور يا غالي
مرورك رائع جدا
ايه ومعناها انا مالي علاقه كمان
ههههههههههههههه
مشكور يا غالي
مرورك رائع جدا
رد: اقوال متكرره بين النساء
تقاليد ما زالت تلعب دوراً
والله موضوع رائع
شكراً عبود
والله موضوع رائع
شكراً عبود
morad- المدير العام
-
العمر : 41
البلد : سورية الأسد
عدد المشاركات : 640
تاريخ التسجيل : 18/07/2009
الأوسمة الممنوحة :
رد: اقوال متكرره بين النساء
ههههههههههههههههههههههههههههه
يسلمووووووووووووووووووووو
ياعبد الباسط
بس بدي اعرف منين نكشت هالموضوع
تحياتي الك وللشباب
يسلمووووووووووووووووووووو
ياعبد الباسط
بس بدي اعرف منين نكشت هالموضوع
تحياتي الك وللشباب
ضيف الزمن- عضو جديد
-
العمر : 41
البلد : السعودية
العمل/الترفيه : سائق تريلا
المزاج : حسب الحظ
عدد المشاركات : 1
تاريخ التسجيل : 07/06/2011
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى