جميع الأعضاء بدون استثناء

مرحبا شباب لانو كل يوم عم يكون عنا اعضاء جدد بالمنتدى فشو رايكون كل عضو جديد يشارك معنا
رح نتعرف على بعض اكتر و يصير لكل شخص منا cv خاص لالوه بفضل مشاركتو و اجوبتو للاسئلة
رح بلش
الاسئلة هنن
1_ اسمك :
2_ عمرك :
3_ وين ساكن :
4_ شو بتدرس :
5_ هواياتك :
6- مين عرفك عالموقع :
7_ تقييمك للاعضاء :
8_ افضل عضو عندك و ليش :
9_ اكتر موضوع حبيتو بالمنتدى و ليش :
10_المنتدى المفضلة عندك ليش :
11_الموقع المفضل :
12_ تقييمك للموضوع :
13_كلمة اخير بتحب تقولها
__________________

مشكور عبد الباسط على المشاركة وانا فهمت عليك من الكلمة الاخيرة

أهلاً شباب
أنا مراد الحاج ربيع
بيتي: مقابل مشفى السلام بالمعرة
عمري 28 سنة
وبتعرفو عملي وهوايتي هو ملاحقة الأخبار
وفي النهاية تلبية حاجة المغتربين وإشباع اشتياقهم للمعرة
هذا باختصار
تقبلوا احترامي أخ عبد الباسط و عمر

ياسمين كتب:انا سبق واعطيت معلومات عني

هههههههههههه اهلين برجوعك معنا ياسمين وأنا برأيي المعلومات اللي قلتيها أكتر من هيك بكتير

السلام عليكم فكرة حلوة بزاف(كتير يعني) بس انا واخدة على خاطري منكم لانه ما حدى رحب فيني هيك انتو بتستقبلوا للضيوف وانا اللي عم قول عنكم انكم اهل واجب ولا الشغلة عنصرية يعني لاني جزائرية

نور الاسلام كتب:السلام عليكم فكرة حلوة بزاف(كتير يعني) بس انا واخدة على خاطري منكم لانه ما حدى رحب فيني هيك انتو بتستقبلوا للضيوف وانا اللي عم قول عنكم انكم اهل واجب ولا الشغلة عنصرية يعني لاني جزائرية

ولو أهلا فيك اخت نور الاسلام بيننا ونحنا ماعنا شي اسمو عنصرية بس ممكن لأنك جزائرية نزيد في الترحيب أكتر

الاخ مراد الظاهر انك تحب الاختصار كتير وين جواب باقي الاسئلة
والاخت ياسمين واضح انك تامني بمقولة اذا كان الكلام من فضة فالسكوت من ذهب
واخت نور الاسلام الف اهلا وسهلا فيكي بس ليش بخلتي علينا بالمعلومات مدام الفكرة حلوة بزاف
اما انا واعوذ بالله من كلمة انا
1 فراس نديم نحلاوي 2 (31) 3ساكن بالشارقة قناة القصباء برج الثريا وبالمعرة الحارة الشمالية بعد جامع الوردي يسار يمين لاخر الشارع عالزاوية بتلاقوني( تفضلوا )4 الله يرحم ايام الدراسة لاني طلعت من الحادي عشر مع اني كنت من الاوائل 5 السباحة والسفر وخاصة سفر البر 6 كنت عم دور على اخبار المعرة بالنت وصدفة تعرفت على الموقع ويا محاسن الصدف 7 8 كل الاعضاء على عيني وراسي 9 10 كل موضوع او منتدى تنجاب سيرة المعرة الحبيبة الي فارقتها من كام يوم 11 مواقع كتيرة 12 موضوع كتير مهم وضروري وعجبني واخيرا الله لايحرمنا من المنتدى واعضاءه

والله ملتزم يا فراس فعلاً
بشكرك على هالموضوع
يلي عرفنا فيه بعضنا
بس والبقية.........

الظاهر البقية مشفرة ههههههههههههه
او يمكن الاسئلة صعبة الله يسامحك يا عمر سهلها شوي
يلا شباب شدوا الهمة وفكوا التشفير احمدوا ربكن ما سالكن عن الحالة الاجتماعية
ويا عزيزي عمر انت شو عنك ولا ويامرون الناس ....... وينسون انفسهم

فراس نحلاوي كتب: الظاهر البقية مشفرة ههههههههههههه
او يمكن الاسئلة صعبة الله يسامحك يا عمر سهلها شوي
يلا شباب شدوا الهمة وفكوا التشفير احمدوا ربكن ما سالكن عن الحالة الاجتماعية
ويا عزيزي عمر انت شو عنك ولا ويامرون الناس ....... وينسون انفسهم

والله هيك الظاهر
مافيها شي الاسئلة
وتكرم عينك فراس

--------------------------------------------------
1_ اسمك :
عمر حاج خميس
2_ عمرك :
16
3_ وين ساكن :
المعرة
4_ شو بتدرس :
11 علمي
5_ هواياتك :
الشعر وكرة القدم
6- مين عرفك عالموقع :
ABED-S
7_ تقييمك للاعضاء :
ممتازين
8_ افضل عضو عندك و ليش :
الجميع
9_ اكتر موضوع حبيتو بالمنتدى و ليش :
مواضيع المعرة
10_المنتدى المفضلة عندك ليش :
منتدى معرة النعمان العام
11_الموقع المفضل :
WWW.FACEBOOK.COM
WWW.YOUTUBE.COM

12_ تقييمك للموضوع :
ماحد بيقول على زيتو عكر
13_كلمة اخير بتحب تقولها
بحب وجه تحية لجميع الأعضاء الموجودين بالمنتدى

ماشي ولو انو صعبة
اسمي: عبد الرحيم الغريب
عمري: 16
وين ساكن: مقابل جامع موسى بيك
شو بتدرس: حادي عشر علمي
هوايتي: العزف على الغيتار
مين عرفني على الموقع بصراحة انتي يا عمر العمور
تقيمي للأعضاء : والله الأعضاء بدون استثناء ممتازين
افضل عضو عندك و ليش: والله الكل على راسي بس الاستاذ مراد براي أنا كعضو لأنو مواضيعو حلوة ومهمة
اكتر موضوع حبيتو بالمنتدى و ليش: موضوع الفول لأنو وقت اللي قريتو كنت جوعان فحبيتو بلا شعور
الموقع المفضل : آثار المعرة و العام
تقييمك للموضوع: مثل ما تفضل أخي عبد الباسط المصداقية أول
كلمة اخير بتحب تقولها:
انو المشاركين لا يفكروا (( يفكروا )) مو أكتر بأنو المواضيع الي تنحط نصفها "نسخ" "لصق" وهذا المتداول في الوقت الحاضر
وهذه الفكرة خاطئة
وأنا سمعت من واحد بامنتدى من دون ذكر اسامي وهو بيعرف حالو أكيد عم يحكي على هالشي
وبتمنى انو يتقدر صاحب الموضوع على تعبوا
وبالأخير بوجه شكري لكل العاملين في هذا المنتدى
أخوكم عبدو

أهلاً بك يا زميل عبدو الغالي
ونرجو أن تتحفنا بكل جديد في مجال الآثار

أهلين فيك عبدو شكرا على مشاركتك