طبعاً الشباب أول مايتعلموا يسوقوووووووا

طبعاً الشباب أول مايتعلموا يسوقوووووووا
السيارة يا فرحتهم الدنيا
ما تسعهم من السعادة اللي هم فيها .. لدرجة أن هم اللي يقولون
لك قومي أوديك هالمكان وهالمكان تقولين ياشيخ ما أبي يقول لك
لا تبين يابن الناس تعبانه يقول لك ماعليه تطيبين مالي خلق أبد
بتروحين بتروحين .. وتركبين ويلف فيك كل مكان لو تبين سومطرا
وداك .. بس

بعدين وش يصير ..

بعد مرور فترة من الزمن ليست بالطويله حيل ..

تكفى ودني هالمكان .. شوله وشحقه مش فاضي بطلع ومدري وشو
وشوفوا لكم حد ثاني ماعندكم ألا أنا ماصارت هذي والله حاله ..
وخذي من هالكلام وأنتِ ما يبقى تمسكن حتى يعطف عليك ويرضى
وإذا كان عصبي حلمي تعتبين الباب وإذا طيب شوي يوديك ويقعد
يتحلطم في السيارة .. ولا السواقة صاروخ ما يمديك تركبين السيارة
ألا أنتِ واصله .. وطبعاً كل هذا وأنتِ ساكتة .. لأن أي كلمه مش في
صالحك ..

وفيه نوعيه خاصة تتعامل مع العد التنازلي من الواحد إلى العشرة
إذا ما جيتي خلالها عمرك ابقي رجعي وحطي عباتك وحطي راسك
أحسن لك .. وفي معنى آخر أزين لك

بس في النهاية الأخوان يهبلون كلهم عسل .. يكفي صابرين على
أذيتنا وكثرة طلاباتنا اللي ماتخلص ولا بعد مية مليون سنه ..

تحية لجميع الأخوان من القلب ..